15 25.4396136 92.1960997 1 0 4000 1 https://wyrta.com 300 0
theme-sticky-logo-alt
theme-logo-alt

Wan pynyoo ka Khasi-Wales Collective yaka drama Performing Journeys ha Thomas Jones College

0 Comments
Advertisement ad1
Advertisement ad1
Advertisement ad1
Advertisement ad1

Ki dkhot ka Khasi-Wales Collective kiwa man kam ki Artist ki wakreh ha India wa Wales, ynne ka sngi da wan ki wow pynyoo yaka lehke drama kawa e pyrtuid Performing Journeys ha Thomas Jones Synod College, Jowai kawa pynemkaam ya ki parom tynre Khasi wa ki chithi wa thoh da ki Welsh Missionaries kam chibynta wow pynyoo ya i e kylliang yaka dustur riti ki jaitbru Wales wa ki bru ka ri-loom Khasi wa Jaiñtia.

Da pynemkaam leh ya ki sur ki rwai Wales wa Khasi kamjooh ki Poetry wa thoh daka Esther Syiem wei kani ka drama jrong ko 50 minit.

Kiwa chimbynta toh ka Lapdiang Syeim (India), Rhys ap Trefor (Wales) kam kiwa ak, u Gareth Bonello (Wales) wa u Benedict Hynñiewta (India) kam kiwa tem sur, ka nong chna phlim ka Aparna Sharma (India) waka Lisa Lewis (Wales) kam ka Director deiwa ya krehlang yajan bha wa u Desmond Kharmawphlang waka Esther Syiem wei da seiñ yaka Khasi-Wales Collective da kiwa puræ ka University of South Wales waka North Eastern Hill University.

Ka parom hi ka drama toh iwa em hapyrdi kini ki ar jaitbru deiwa ym em e yei jubab tangwa kawa pynmih ya ki phang kylli wow pynpyrkhat ya ki bru yaka luti wa da lai wei kammon ka poi chei yatoh ki jaitbru kiwa na chilliang duriaw kamjooh iwa pynyabi ya waroh ki bru ha pyrthai.

Share this:
Previous

Khlaad noh u Yoly Tariang

Next

Wym mano wow pynoh ILP ka sorkar, daw booh hi ka HYC ya ki khyrdop ha ki soo thaw ha ri-loom Jaiñtia