U Union Home Minister ka ri u Amit Shah, ynne ka sngi da wai u boon tylli ki kaam pynroi ha Manipur wa kynthup yaka e-Office waka Thoubal Multipurpose Project (Thoubal Dam) ha Imphal. Da booh mooyurim u leh ya ki 7 tylli ki kreh pynroi wa kynthup ya ka Churachandpur Medical College, IT-SEZ ha Mantripukhri, Manipur Bhawan ha Dwarka, New Delhi wa ka Integrated Command and Control Center ha Imphal, ya kini da em kiwa wai u lyngba ka Internet. Da emlang leh u Union Minister for Development of North-Eastern Region, u Dr. Jitendra Singh, u Manipur Chief Minister u N. Biren Singh wa kiwi kiwi de.
Neiliang u Amit Shah da ong u wa i krehkaam ki aiñ wa i chong suk ha Manipur da miat bha i hapoh i yahkhmat ka sokar wa yahkhmat da ka BJP wei da e khublei u leh yaka jylla yei ye ki u pynkrehkaam yaka Inner Line Permit (ILP).
U Shah deiwa yaroh ya u Chief Minister ka Manipur u N Biren Singh, da ong u wa ka Manipur da sakhi ko ya kiwa boon ki yakhih ha ki snem wa nachwa tangwa du hadien 3 snem wa em daka sorkar wa yahkhmat ka BJP, ki khang chnong, ki khang sarok ym jooh yoo de ki deiwa pynrap wa ka ILP toh i e sñiawbha wa heh dooh u Modi ya ka Manipur.
U Shah da poi u ha Bir Tikendrajit International Airport, Imphal ynne heipor pyrdi sngi wei da lai u cha ka yalang paidbah wa pynman ha Hapta Kangjeibung.
U Amit Shah da lai hiar kjat u cha ka thaaiñ mihsngi deiwa lai cha Assam ynnin ka sngi.
