theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1
Advertisement ad1

Women T20 Challenger Cup: Jop ka Umiam yaka Myntdu

Advertisement ad1

Ka Umiam Queens waka Symper Challengers da jop ki ha ka Senior Women T20 Challenger Cup wa pynman da ka Meghalaya Cricket Association ha Shillong ynne ka sngi kawa da sdang ynnin ka sngi.  

Ka Symper da jop ko yaka Simsang Rangers da 8 Wicket hadien wa jop ko yaka kylla khlem wei da jied ko wow kawang bol nyngkong heiwa ka Ranger da kamai ko da 98/5 na ki 20 Over. Ka Ajima Sangma waka Neelam Roy da yoh ki mar 25 Run. Ka Player-of-the-Match ka Suriti Kumar Ray da yoh ko 2/23, ka Lanosha Diengdoh 1/20 waka Riticia Nongbet 1/22.

Ka Symper ynnin da yoh ko palat 100 Run tangwa da rem ko tangwa ynne da jop ko ha ka 16.1 Over deiwa dooh 2 Wicket. Ka Debasmita Dutta da kamai ko 44 Run na 52 bol katwa ka Ray da yoh ko 26 Run deiwa haap ko ha ka Luiza Tamang (1/27). Kiwi de kiwa yoh Wicket toh ka Ajima kawa da pyn Run Out leh ya ka Sanchisa Sangma deiwa pakhot ya ka bol na jngai bha. 

Ka Umiam Queens leh da jop biang ki sa chisien deiwa pynrem ya ka Myntdu Raiders da 7 Run. 

Ka Queens da phah Bat nyngkong ko yaka Myntdu heiwa da kamai ki da 103/5. Ka Sildamicresha Marbaniang da kamai boon dooh ko deiwa yoh 25 Run katwa ka Ankita Sharma waka Rubi Chetry da yoh ki mar 17 Run. Ka Deiphibanpynshngain L Mawnai da lehbha ko da ka bol deiwa yoh 1/7 na ki 4 Over deilang waka Sandria Momin (1/28). Kiwi ki 3 ngut kiwa Bat toh kiwa da chah Run Out. 

Kawa yalehke ka Umiam, ka Abiezer Kharsyiem da ka bol da da yoh ko 5/21 na ki 4 Over tangwa ka Myntdu Raiders da yoh kyrmen ki deiwa wan ka Daiaka Emigale Warjri (28 Not Out) heiwa ka Myntdu da yoh laad ko wow jop hadooh ka Over wa khaddooh tangwa da ye ki wow kamai 9 Run na ki 16 Run wa emkaam ko yow jop deiwa yoh 96/9. Ka Ankita (2/15) waka Solina Jaba (1/16) toh kiwi kiwa yoh Wicket. 

Mynstep, ka Myntdu daw yachem ko yaka Symper heipor 9:30 i step katwa ka Simsang daw hap yachem ko waka Umiam heipor 12:40 i sngi. 

Share this:
Previous

U-23 Boys Cricket Tournament: Psiah Final ka Tura, yoh nyngkong ka Ri-Bhoi ha Group B ka Zone 1

Next

Da chem ya ka Debit Card naka ATM ka Post Office Jowai