Wow chim ya ka Injection Ñiangpyrchit chong ha i sniawthooh yong samen ym ye u pynbor: Al Hek

Shillong: U montri wa pait ya ka chnat ka chait ka khiah ha ka jylla, u Alexander Laloo Hek da ong wa ym ye u pynbor ya kiwon kiwon wow chim ya ka Injection Measles-Rubella (MR) neibynta wow yada na ka kjut Ñiangpyrchit ya ki khonboo wa ki khynnah.

Hawa yaklam wa u Hek ynne ka sngi da ong u, “Ym ye u man wow pyndooh ya Result namo wow pyndam ya ki Exam neidaw wa ki khynnah ym em chim ki ya ka Injection.”

U montri da ong u leh wa ym ye u pynbor wei ym em hi man ko kawa da phah da ka aiñ namo Mandatory, tangwa chong ko ha i mon kiwa ha yung ha sem wa ki bei ki pa ki khynnah kiwa kwah næ ym em wow yoh ya ka Injection ya ki khon yong ki.

Ha iwi tawon i liang da kyntu u ya ki paidbah wa ya ki manbei manpa wow krehlang ki wow yoh ki khon ki kti yong ki ya kani ka Injection wow yada na i kjut Ñiangpyrchit.

Related posts

Wa thung ka BJP da ki bru yong hi tæ mih i kynrum kynram ha NEHU: Ronnie

November 15, 2024

Dang jan u lai na Shillong cha Vietnam, Thailand, Laos, Cambodia wa Burma bar cha Delhi: Conrad

November 14, 2024

Kam wow pynkynmoo wa ka hukum kawa da pynmih na ka yung krehkaam u Deputy Commissioner East Khasi Hills, u P.S. Dkhar da phah ya ki skur wow ksoh ya ki Result yong ki khynnah kiwa khlem chim ya ka Injection kawa da pynkhryngiat ya ki manbei manpa yong ki khynnah skur kawa ka Exam kawa dang lai cha khmat kattæ hapoh ka District, wei da mih leh ka pyrchah na kiwa boon ki seiñ wa kiwi kiwi.

“U DC da pynmih hukum wa toh u ksoh ya ka Result wa toh hap yoh Injection lut waroh, tangwa neiliang ka chnat ka chait ka khiah da klam che ko wa chong ha i sniawthooh yong samen.” ong u Hek.