Uwi uwa yah kari kamai da dooh u yei mynsien wei da mynsoo joor kawi kawa chong hapoh hadien wa ka kari ki da lai tyrrah ko ya kawi ka e-Rickshaw kawa kit mar palat pood da ki nar rod ha u sarok Dwarka Expressway uwa man u sarok wa pynyabi ya ka Delhi wa ka Haryana.
Ini da jia i ha ka 17 tarik heipor 2:00 waje i sngi wei kini ki nar rod toh kiwa da tam bha chadien kani ka e-Rickshaw kawa man leh ka kari le chaka.
Kini ki nar rod da psiah ki kluk na ka yit khmat ka kari wei da tne ha rupai uwa yah kari uwa da khlaad noh pyn ha ini i thaw wa jia wei kawa chong hapoh da kit ka cha thaw sumaar neidaw wa mynsoo joor ko.
I daw wa jia ini da suba toh neidaw wa kani ka e-Rickshaw da lai ko suki bha neiwa joor khia i mar wa kit ko wei kani ka kari kamai kawa pynhær bha da tyrrah ko mam ha kini ki nar rod.
Ki pulit dang pait ki yeiwa yoh ki CCTV u riñ yow tip yei daw wa jia sakhiat wei da kem ki ya uwa yah ya ka e-Rickshaw uwa da khana wa yah u suki bha u heipor wa jia ini.
Discussion about this post