Jowai : U khynroo Mai Mai Laloo uwa na Loompyrdi Ïongpiah, Jowai hadien wa chah jied u naka jylla Meghalaya yow chimbynta ha ka yakop yakhun-kti ha ka 40th National Arm Wrestling Championship kawa da pynman nadooh ka 20 tarik hadooh ka 24 tarik uni u Bnai ha Nagpur, Maharashtra da wanrah u yei naam hapoh ka ri-loom Jaiñtia.
Ha kani ka lympung u Mai Mai da chimbynta u haka kyrdan 70 Kg Physical Impairment athletes (SIT) heiwa da yoh u yei naam wa ar.
Hadien ini i jop yong oo u Mai Mai da chah jied u leh yow mihkhmat chaka lympung Yakhun-kti yong ki ri kawa datip kamka World Arm Wrestling League kawa daw pynman daka Bulgarian Armwrestling Federation nadooh ka 1 Naichiphaw hadooh 9 Naichiphaw 2016 haka ri Bulgaria.
Neiliang u Wyrta daw wanrah chooh chooh u yaphi yaka khubor heiyatoh wa ini i kaam uni u khynroo.
Discussion about this post