Pyndam ka KHADC ya ka License wow pynbia bru u Rev. Macdonald Pynrope

Ka Executive Committee ka KHADC da pyndam ko ya ka License wa e bor pynbia bru u Rev. Macdonald Pyngrope hadien wa yoh ya ka ujor na ka Khasi Jaintia Presbyterian Synod Sepngi.

Ha ka hukum wa da pynmih ha ka 26 tarik u bnai wa dep, ka Executive Committee da pyndam ko ya ka Marriage License u Rev. Macdonald Pyngrope chisiendon hadien wa ka Synod da pynbna ko wa ka da pyndam leh yei tipmit ya oo kam u Pastor.

Ka KHADC da ong ko wa da pait ko leh yeiwa jubab u Rev. Macdonald Pyngrope wa kiwi de ki kot ki sla chwa wow chim ko yei rai.

Ka Council da pynche ko leh wym em bor ko wow tuklar yei kaam ka Balang tangwa i rai wa chim toh du neibynta ka Marriage License kawa da e cha u Pastor.

U Macdonald Pyngrope toh uwa da pynkyntang kam u Pastor tangwa da pyndam noh ya ini wa da tipmit ya oo wei hadien wa leh ini, ka Executive Committee da ong ko wa i yurim wow ksoh ya ka Marriage License ym em de ki.

Ya ka License da pyndam hapoh ka United Khasi-Jaintia Hills District (Christian Marriage) Act, 1954 wa ka Indian Christian Marriage Act, 1872.

Kam wow pynkynmoo wa u Macdonald Pyngrope toh uwa pynmih pyrthai yei pynemkaam bakla ya ka poisa hapoh ka Balang Presbyterian Mawkhar kawa da em hei bichaar ka High Court kattæ.

Puræ leh: U Pastor wa chah leh pynsih ka kari toh uwa ujor pyrchah yei pynemkaam bakla ya ka poisa hapoh ka Balang: SP

Related posts

Hei sien wa nyngong tyrwa dai lilam ya ka lieñsuiñ wa chah kem

July 3, 2026

Dawa ka JSU Narpuh Circle na ka MeECL wow lai pait ya ki chrot bordiñ kiwa ye u haap ha iwon iwon i por

July 3, 2026