Shree Cement: Da thung da ka takit yei chah tih u sarok wei da yaklam ka sorkar wa kiwa kyrchaan wa kiwa pyrchah, ong u Conrad

U Montri Rangbah ka jylla, u Conrad K Sangma hawa jubab yeiwa kylli kiwa thoh khubor ynne ka sngi heiyatoh wa ka Public Hearing ka Shree Cement, da ong u wa ka sorkar da yaklam ko wa waroh ki liang deilang ki seiñ.

Da ong u wa najrong kiwa pyrchah em leh boon kiwa chong chnong katai ka thaiñ kiwa kyrchaan wei kmen ki yei wan ka karkhana wei hap wow yaklam wa waroh ki liang wei hadien i yaklam daw pait kammon u lai chakhmat.

Related posts

Toh FIR ki dkhot ka JAC hadien i yachem wa u Sanbor Shullai

November 12, 2026

Sa ha Jowai pynman yakhih kiwa sikai Deficit deiwa pep skur khlem booh por

November 12, 2026

Heiyatoh wa kiwa emkti wow tih ya u sarok, da pyntip u wa u DC ka East Jaiñtia Hills da thung u ya ka takit (Inquiry) wei dang yang yow tip yeiwa chem ka takit.

Da ong u leh wa ka sorkar ym em khang ko ya ka dwar yong ka wow yaklam neibynta iwon iwon wei i yaklam toh iwa biang dooh yow lai chakhmat wei lada em ki bynta wa sñiawthooh bakla wei kiwa hap pynche, ka sorkar kmen ko wow leh yeitæ.