Daw sdang pynkrehkaam ya ki STEMS School Bus ha chnong Jowai

Ka Sustainable Transport and Efficient Mobility Society (STEMS), kawa pynlai ya ki Bus sorkar Meghalaya, da pynbna wa daw sdang noh ki ha Jowai leh kam ki School Bus. Wei kini man ki ki jait Bus wa miat, wa chngaaiñ wei kiwa miat bha neibynta ki khynnah wa lai skur.

Ya kini ki Bus da pynemkaam nyngkong ha Shillong wei da man ki kiwa krehkaam bha wei da yarap ki leh wow pynduna yei khynnia ki luti ki syngkieñ ka chnong ka thaw heipor wa lai skur wei liwan skur ki khynnah wei yeini kattu leh daw sdang ha chnong Jowai.

Kini ki Bus u krehkaam ki deiwa lai ki luti wa da pynkhreh kyrpang ya ka chnong Jowai, i bai Bus leh toh iwa ye u su chisien chi snem, chisien chiteiñ snem wa chisien le bnai katkam wa suk.

Kiwa yah wa kiwa pynlai ya kini ki Bus u man ki ki bru wa da biang i chah sikai wei kamjooh yow rap ko wow pynkyllooid ya ka chnong wei wow chngaaiñ leh ya kiwa lai luti.

Related posts

Yoo chyrkhei ki tiar yasiat wa yoh kem na ki 17 ngut kiwa pynleh kam ki dkhot ki seiñ kieñ suloi ha Manipur

October 25, 2026

Mar ya sdang ya ka Jaintia Artist Association yoh yarap Rs.10 lak na ka sorkar

October 25, 2026

Chwa wow pynkrehkaam daw pynman leh yei pynsñiawthooh ya ki bei ki pa heiwa ye ki wow kylli iyi wa kwah ki wow tip nadooh i dor wa kiwi de.

Ye leh wow pyndap ya ka Survey Form deiwa lai ha kani ka link:                                                                                    https://docs.google.com/forms/d/e/1FAIpQLScsQS88V0xqhyQzIFhKIKPEFFrvXk66lCzFxo4blW5Thmexfw/viewform wei ye leh wow lai ha ka STEMS, Meghalaya website https://stems-meghalaya.nic.in wei ye leh u Phone ha kini ki Number: 0364-3500119/9077712225

Ka STEMS toh kawa da sdang ha u snem 2023 kam ka thong wow pynduna yei khynnia ka Shillong deiwa pynemkaam da ki School Bus heiwa da em palat 90 tylli kini ki Bus kiwa da krehkaam deiwa chaniah ki manyung mansem deilang ki skur.