Ynnin i miet ka 6 tarik heipor kamwa 09:11 haroh, ki pulit ka Khanapara da pyntip cha ki da u waheh chnong ka 9 Mer Baridua wa da em i jia yachoh yamai ha kawi ka yung hadooh wa mih i mynsoo wa joor.
Mar ya tip yeini, neiliang ki pulit ka Khanapara da lai ki wut-wut cha kani ka thaw wei da chem ya uwi u bru uwa da mynsoo uwa da thiah ha madan deilang i kai i snaam.
Hei takit ki pulit da chem wa uni u bru toh uwa tip kam u Sikander Lyngdoh wei da chah thlieh u na khlieh da u sdai pyn ha ka kurim yong oo kawa tip pyrtuid kam ka Poonam Bosper (36 snem).
Ini toh iwa da jia pyn hapoh i yung u Sikander wei da chem ya oo da u diah u uwa da pynkit ya oo cha thaw sumaar ha Health City Hospital.
Ka kurim u Sikander mar ya dep ko wow leh yeini da yut ko wei ym pu em chem ka wei neiliang ki pulit dang thooh ki yow kem ka.
Ka takit dang lai ko chakhmat yow tip yei daw wa jia ini waroh.
Discussion about this post