Ha ka 25 tarik uni u bnai da pyntip cha ki pulit heipor 8:30 i step da u Jaswan Singh uwa man kam u Manager ka NES Bharat Petrol Pump wa em ha 12th Mile, Mawsmai, Ri-Bhoi District, wa chem ki ya uwi u bru uwa thiah yap ha pchem kani ka Petrol Pump.
Hawa lai kylli takit ki pulit ya uwa kreh ha kani ka Petrol Pump kam uwa thap phñiang uwa tip kam u Ranjan Kumar, da khana u wa heipor kamwa 2:00 waje haroh i step, da yoo u ya uwi u bru uwa em kamwa 55-60 snem i rta ha kani ka Petrol Pump uwa thiah hajan ka paikhana.
Manda kieh kamwa 5:30 i step da lai u wow kyrsu thiah ya uni u bru tangwa ym em khyrngiat u wei da lai pyntip noh u cha u Manager uwa da pyntip won cha ki pulit.
Hawa takit ki pulit da chem wa uni u bru toh uwa jied klong wa kiwi de ki mar ha kani ka thaaiñ tangwa ym tip yei pyrtuid u heiwa da kylli leh na u waheh chnong kani ka thaw tangwa ym em wa ye u tipmit oo.
Da kylli leh ha Byrnihat Police Station boi em kiwa thooh ya uni u bru kam uwa wiar tangwa ym em chem iyi iyi. Da kylli leh na ki waheh chnong ki chnong wa em chajan tangwa ym em wa ye u tipmit ya uni u bru.
Yei metyap da kit cha Civil Hospital, Nongpoh yow pyndep ya ka Post-Mortem wei hadien da booh ha Mortuary kani ka thaw sumaar yow wan kam kiwa emyatoh u.
Kiwa tip chaphang uni u bru yei ki wow Phone ha Police Control Room (PCR) Nongpoh: 6909300160.
Discussion about this post