Booh ka KHADC da ka Recruitment Committee wa laitlooid yow khooid i rukom thung kreh

Ka Executive Committee (EC) yong ka Khasi Hills Autonomous District Council (KHADC) da thung ko da ka Recruitment Committee yow pyntikna wa i thung kreh u man i deiwa hok hapoh ka District Council.

Ya ini i rai da pynbna da uwa e ktien ka Executive Committee ka KHADC, u Powel Sohkhlet uwa man leh u Executive Member (EM).

Hawa klam cha kiwa thoh khubor, u Powel da pyntip u wa ha ka Recruitment Committee daw em 3 ngut ki dkhot (Member) kitæ u Chairman, u W. Khyllep uwa man kam u IAS uwa da chong-ngiah, u Prof. LS Kassah wa u Dr. PS Nianglang uwa jooh man kam u sahep sorkar uwa chong-ngiah uwa pliah bha heiyatoh wa ki Service Rules yong ki chnat krehkaam ka sorkar waphær waphær chirup wa u Joint Secretary ka KHADC wow man kam u Member Secretary ka Recruitment Committee.

Related posts

Chah kem 8 ngut kiwa slaitbor ya ka khynnah wa dang 15 snem deiwa rahbor ka heipor wa lai mihlait

January 11, 2026

I yap u Garo toh neidaw wym ye ka sorkar wow pynsangeh yei tih mar pohkhyndaw pyrchah aiñ: BJP

January 11, 2026

U Powel da khana u wa ka EC daw pynkhreh ko ya ki kyndon (Terms and Reference) kammon ka Recruitment Committee u krehkkam ko.

Da ong u wa ka EC kwah ko wa kani ka Recruitment Committee u man ko kawa laitlooid wei ka wym embynta wa ka EC khnang wa i krehkaam u man ko kawa lai bait lai ryntih khlem iwon iwon i chah kdoh kyndon.