Uwi u bru da chah kem u ynne ka sngi hadien wa chem ya ki kuli na oo katwa dang leh ya ka Security Screening ha ka madan wow baam smai u Himanta Biswa Sarma kam u Chief Minister ka Assam.
Ini da jia i ha Veterinary College Field, Khanapara katwa dang pynkhreh yei baam smai.
Ki pulit da chem ki ya soo tylli ki kuli wei da rah ya uni u bru da ki pulit ka Basistha Police Station.
Ki pulit da pynche ki wa ym em chem tiar siat ki na uni u bru katwa kynreh ki oo.
Ya kani ka baam smai da wan wo sakhi da u Prime Minister, u Narendra Modi, u Home Minister, u Amit Shah, u President ka BJP, u J.P. Nadda wa kamwa 20 ngut ki Chief Minister.
Ki Chief Minister na ka thaaiñ wa wan sakhi ya i baam smai kynthup ki ya u Prem Singh Tamang, Chief Minister ka Sikkim, u Manik Saha, Chief Minister ka Tripura, u Pema Khandu, Chief Minister ka Arunachal Pradesh, u Conrad Sangma, Chief Minister ka Meghalaya wa u Yumnam Khemchand Singh, Chief Minister ka Manipur.
Ki heh na BJP da pyntip ki wa daw pynboon yei em Montri cha ka 18-19 ngut ha ka sorkar Assam.
Kam wow pynkynmoo wa ka NDA da jop khiar ko ya ka Assembly Election heiwa da jop ko 102 Seat na ki 126. Ka BJP samen da jop ko 82 Seat, katwa ka AGP da jop ko 14 wa ka BPF 4 Seat.
Discussion about this post