Ka United Forum of Bank Unions (UFBU), da rai ko wow pynman ya ka yakhih namo ka Strike ha waroh kawi ka ri nadooh i miet synyaaw ka 26 tarik hadooh ka 27 tarik.
Ka UFBU kynthup ko ya ki 9 tylli ki Union ki Bank nadooh kiwa kreh hadooh ki sahep.
Kani ka yakhih toh wow dawa na ka sorkar wow pynkrehkaam ya ka kyndon wow kreh ki Bank san sngi chi tayaaw (Five Day Work Week).
Hajrong ini i yakhih ka SBI da pyntip ko wa daw khang ko ha kani ka sngi heiwa daw thut i kreh kamjooh wow yaleh ko wow pynsmat yei kreh.
Ka SBI da kyntu ko leh ya ki paidbah wow pynemkaam ya ki ATM wa Automated Deposit and Withdrawal Machines (ADWMs) heiyatoh wa ki kaam poisa kamjooh ya ki Customer Service Points (CSPs) yeiwa emkaam ki.
Discussion about this post