Ka District Tourism Officer ka West Jaiñtia Hills ka S.D. Shylla da kyntait ko wa ka chnat Tourism ka Meghalaya da embynta ko ha tamasa wa daw pynman hajan ka Jowai Civil Hospital, Ialong.
Da ong ko wa ini toh iwa da chah pynbaad bakla ka chnat Tourism ha ka khubor wa da pynmih da ka JSU Jowai Circle kawa pyrchah ya kani ka tamasa deiwa pynbaad leh ya ka chnat Tourism wa kyrchaan ko ya kam kani ka tamasa khlem da pyrkhat yei bha i miat ki paidbah khamtam kiwa phah sumaar ha kani ka Hospital.
Ka S.D. Shylla da ban joor ko wym em bynta ka chnat Tourism ha kani ka tamasa wei lada leh da ka chnat daw tip ki da waroh yeini.
Kam wow pynkynmoo wa ka JSU da pyrchah ko yei pynman ya kani ka tamasa neidaw wa da em ki kyndon aiñ wa khang yei pynman ya ki tamasa kiwa daw tem da ki sur wa ood wei da lai yachem leh wa ka Additional DC ka West Jaiñtia Hills kawa da ong wym tip ko lada da yoh bor wow pynman ya kani ka tamasa.
Puræ leh: Pyrchah ka JSU Jowai Circle yei pynman tamasa hajan ka Civil Hospital
Discussion about this post